Kona-ba
Timor-Leste, liuhusi Díli Regional Cooperative Conference and Ministerial Dialogue (DRCCMD) 2026 no ASEAN Cooperative Expo (ACE) 2026, fó sai plataforma rejionál ida atu hamutuk promove diálogu, fahe esperiénsia, harii parseria no fortale setor kooperativa iha ASEAN.
KONA-BA KONFERÉNSIA
Díli Regional Cooperative Conference and Ministerial Dialogue (DRCCMD) 2026 mak fórum rejionál ida ne’ebé reúne governu, lideransa kooperativa, setor privadu, peritu, parseiru dezenvolvimentu no parte relevante sira atu diskute kona-ba papél estratéjiku setor kooperativa iha dezenvolvimentu ekonómiku no sosial.
Konferénsia ne’e sei fó oportunidade atu fahe esperiénsia, koñesimentu no boas prátika, no buka abordajen no solusaun konjunta atu promove setor kooperativa ne’ebé forte, inkluzivu, inovativu no sustentável.
DRCCMD 2026 mos sei sai espasu importante ba Timor-Leste atu hametin kooperasaun ho Estadu Mémbru ASEAN no parseiru sira, liuhusi diálogu no kolaborasaun rejionál.
TANBASÁ KOOPERATIVA IMPORTANTE?
Setor kooperativa iha papél importante iha dezenvolvimentu ekonómiku no sosial. Hamutuk ho setor públiku no setor privadu, kooperativa sira bele sai motor ida ba kresimentu ekonómiku ne’ebé bazeia ba partisipasaun no empoderamentu komunidade.
Iha nivel mundiál, liu hosi biliaun ema mak membru kooperativa, hatudu katak modelu kooperativa iha kapasidade atu mobiliza komunidade, kria oportunidade ekonómika no promove dezenvolvimentu inkluzivu.
Iha ASEAN, kooperativa sira mos iha kontribuisaun importante ba ekonomia rejiaun, ho membru kooperativa hamutuk iha dezenas de miliaun no atividade iha área oioin, inklui finansas, agrikultura, produsaun, komérsiu no servisu.
Ba Timor-Leste, dezenvolvimentu setor kooperativa bele sai parte importante hosi esforsu atu diversifika ekonomia, fortale ekonomia lokal, aumenta produsaun no empodera komunidade.
TIMOR-LESTE NO ASEAN
Ho Timor-Leste nia adesaun ba ASEAN, oportunidade atu hametin kooperasaun rejionál no aprende hosi esperiénsia Estadu Mémbru sira sai boot liután.
Governu Timor-Leste, liuhusi Secretaria de Estado das Cooperativas (SECoop), kontinua promove no dezenvolve setor kooperativa liuhusi fortalese kapasidade, governansa, apoiu tékniku no kriasaun ambiente favorável ba kresimentu kooperativa.
Kooperativa sira iha Timor-Leste opera iha área oioin, inklui kooperativa uniãu kréditu, kooperativa produsaun no kooperativa multisetorial, no kontinua hetan oportunidade atu dezenvolve sira-nia kapasidade no koneksaun ho merkadu.
DRCCMD 2026 no ACE 2026 sei sai plataforma ida atu Timor-Leste no parseiru sira iha ASEAN fahe esperiénsia, aprende hosi boas prátika, harii parseria no buka oportunidade kolaborasaun atu avansa setor kooperativa iha rejiaun.
DRCCMD 2026 & ACE 2026
Diálogu. Inovasaun. Kooperasaun.
DRCCMD 2026 no ASEAN Cooperative Expo (ACE) 2026 sei reúne parte interessada sira hosi Timor-Leste, ASEAN no parseiru internasionál iha Díli.
DRCCMD 2026 sei fó énfaze ba diálogu polítiku no diskusaun estratéjika kona-ba oinsá setor kooperativa bele kontribui liután ba dezenvolvimentu ekonómiku inkluzivu, resiliente no sustentável.
ACE 2026 sei sai espasu ba kooperativa no empreza sira atu aprezenta produtu no servisu, fahe inovasaun, promove negósiu, harii network no buka oportunidade merkadu no parseria.
Hamutu, eventu rua ne’e sei kria ponte entre polítika no prátika, komunidade no merkadu, no Timor-Leste no rejiaun ASEAN.
Harii Parseria. Fahe Esperiénsia. Avansa Hamutuk.
Timor-Leste konvida hotu-hotu atu partisipa no kontribui ba diálogu no kolaborasaun atu harii futuru setor kooperativa ne’ebé forte, inkluzivu, inovativu no sustentável.
Kooperativa iha númeru
Númeru hotu iha website ne'e hatudu ninia fonte no tinan ne'ebé nia refere ba.
Iha mundu
- Kooperativa rejistadu
- millaun 3Fonte: SECoop, 2026
- Membru kooperativa
- Pelumenus 12% husi populasaun mundiálFonte: SECoop, 2026
ASEAN
- Kooperativa rejistadu
- 347.599 ativaFonte: SECoop, 2026
- Membru kooperativa
- millaun 66,6Fonte: SECoop, 2026
Timor-Leste
- Kooperativa rejistadu
- 277Fonte: SECoop, 2026
- Membru kooperativa
- 41.952Fonte: SECoop, 2026
Komisaun organizadora
Komisaun nia estrutura no ninia termu referénsia, hanesan organizadór sira publika.
Sé mak partisipa
- Ministru, ofisiál governu seniór no xefe delegasaun husi estadu membru ASEAN
- Reprezentante no federasaun kooperativa sira (husi rejiaun no husi Timor-Leste)
- Espozitór: movimentu kooperativa ASEAN, munisípiu Timor-Leste, MPME lokál
- Parseiru dezenvolvimentu, doadór, organizasaun internasionál, peritu no akadémiku sira
- Média / imprensa
- Públiku jerál